學 飲 酒 追 女 仔 她 像 那 支 酒 ？

今 日 跟 大 家 說 個 故 事 ， A 是 我 朋 友 ， 而 B 是 朋 友 的 朋 友 。 都 是 朋 友 呀 ， 唔 係 我 自 己 呀 。
A 對 酒 從 沒 興 趣 ， 免 酒 稅 後 竟 跟 B 說 也 要 買 ， B 冷 答 ︰ 「 超 市 即 減 是 做 樣 回 應 博 大 眾好 感 ， 事 實 紅 酒 近 年 早 已 貴 賣 ； 小 財 唔 出 大 財 唔 入 ， 遇 正 新 年 後 淡 季 ， 唔 做 宣 傳 等幾 時 ？ 」 A 碰 得 一 臉 灰 ， 但 仍 要 B 陪 。 B 生 疑 ， 討 價 還 價 後 發 現 有 內 情 ， 原 來 A 正追 求 一 名 愛 飲 紅 酒 的 少 女 ， 扮 有 深 度 學 人 以 酒 喻 人 ， 送 禮 逗 人 歡 喜 。 但 紙 包 唔 住 火， 幫 得 一 次 唔 幫 得 一 世 。


被 迫 以 酒 喻 人
「見 你 3 年 無 拖 拍 才 幫 你 一 次 。 」 自 己 得 5 年 酒 齡 也 不 敢 以 酒 喻 人 ， B 心 想 ︰ 早 兩 天才 看 《 茶 杯 》 總 編 問 香 港 International Wine Center 總 經 理 Rebecca Leung ， 如果 要 送 一 瓶 佳 釀 給 奧 巴 馬 和 希 拉 莉 會 選 甚 麼 ， 結 論 是 邱 吉 爾 至 愛 的 Pol Roger Winston Churnchill Champagne 給 前 者 ， 有 瑪 麗 蓮 夢 露 圖 像 在 酒 瓶 的 Marilyn Merlot 給 後 者 。 看 後 拍 爛 手 掌 ， 自 覺 還 要 多 交 學 費 才 能 達 這 層 次 ， 豈 料 A 一 頂 高帽 笠 上 來 。 很 難 戴 ， 還 須 戴 。
B 要 A 形 容 那 女 子 。 A 混 亂 中 帶 苦 惱 ， 以 越 見尖 厲 的 聲 線 說 「 她 一 時 很 愛 說 話 ， 一 時 一 語 不 發 」 ， 捉 摸 唔 到 ， 「 太 複 雜 叫 人 點 形容 ！ 」 A 的 反 常 令 B 背 部 汗 毛 直 豎 ， 感 覺 和 聽 Zbigniew Preisner 為 《 兩 生 花 》 而作 的 《 Van den Budenmayer 》 是 「 exactly the same 」 。 正 如 一 對 戀 人 問 對 方 喜歡 自 己 甚 麼 時 ， 正 常 得 不 到 答 案 。 「 先 介 紹 兩 支 新 世 界 酒 給 你 ， Altair 和 Elderton Command Shiraz ， 複 雜 、 很 好 ， 而 且 也 是 免 稅 後 減 了 價 ， 完 全 符 合 你 要求 。 」 B 忽 然 覺 得 自 己 太 顧 及 別 人 感 受 。



中 價 酒 耐 心 看 待
先來 支 智 利 酒 ， 是 Altair Cabernets & Blends 2003 。 「 Altair 是 指 牛 郎 星 ，夠 專 一 長 情 吧 ！ 」 這 酒 後 台 名 氣 大 ， 是 智 利 第 二 大 酒 莊 San Pedro （ 也 是 飲 料 大 集團 ） 和 法 國 波 爾 多 Saint-Emilion 區 的 特 等 酒 莊 Chateau Dssault 合 作 出 品 ， 這 法國 酒 是 由 法 國 第 一 大 葡 萄 酒 家 族 Lurton 所 管 理 。 合 作 的 出 品 只 有 兩 種 ， 大 哥 成 熟高 一 級 的 是 Altair ， 年 輕 次 級 的 是 Sideral ； 前 者 獲 名 酒 雜 誌 《 Wine Enthusiast 》 評 值 94 分 。 智 利 的 高 級 酒 不 會 是 單 一 葡 萄 釀 製 ， 71% 赤 霞 珠 再 加 入 Merlot 和 Shiraz 等 。 飲 前 先 讓 它 呼 吸 兩 小 時 或 更 長 時 間 ， 才 能 把 密 實 神 秘 的 體 香蘇 醒 過 來 ， 先 是 黑 葡 萄 ， 再 長 一 點 是 橡 木 味 ， 慢 慢 更 出 現 雪 茄 、 呢 拿 味 道 。 酸 味 和 丹 靈 味 也 有 待 釋 放 ， 「 是 位 需 要 花 長 期 去 了 解 其 內 心 世 界 的 可 人 兒 。 」 A 點 頭 示 意 正 如 猜 不 透 她 的 心 意 。
另一 支 是 南 澳 的 Elderton Command Shiraz 2003 ， Robert Paker 給 予 94 分 。 Elderton 這 酒 莊 在 南 澳 著 名 的 Barossa Valley 葡 萄 產 區 ， 連 A 也 說 ︰ 「 我 旅 行 時到 過 那 處 ， 有 很 多 百 年 老 藤 樹 。 」 他 其 實 是 指 Command 葡 萄 園 內 的 Shiraz ， 老 樹長 根 生 長 到 土 地 深 處 ， 令 葡 萄 每 年 品 質 相 當 穩 定 。 不 像 另 一 名 牌 Penfolds Grange ， 它 採 用 單 一 葡 萄 釀 製 ， 加 上 地 方 溫 暖 ， 令 果 香 如 黑 草 莓 味 極 為 濃 烈 ， 慢 慢 更 有 朱古 力 味 ； 酒 體 豐 厚 ， 餘 韻 長 ， 收 藏 4 至 5 年 才 飲 用 更 合 適 。 「 豈 不 是 叫 我 先 做 朋 友幾 年 才 認 真 追 求 ？ 」 A 以 為 被 潑 冷 水 ， B 卻 笑 說 意 指 是 大 藍 籌 放 長 線 。


$300 以 下 選 擇
「前 兩 支 價 錢 介 乎 多 少 ？ 」 B 說 是 $500 左 右 ， A 平 日 就 算 飲 也 是 一 百 幾 十 貨 仔 ， 對於 他 來 說 這 價 錢 可 有 很 多 選 擇 ， B 冷 笑 ︰ 「 追 女 仔 一 定 要 花 錢 。 我 做 好 心 ， 多 介 紹兩 支 較 便 宜 ， 最 後 自 己 衡 量 。 」 B 昨 天 剛 飲 過 一 支 法 國 Galius Saint-Emilion Grand Cru 2001 ， $250 罷 了 。 說 Galius 其 實 2003 年 更 好 ， 若 和 01 比 較 ， 前 者是 傾 生 意 時 享 用 ， 後 者 則 是 朋 友 間 把 酒 談 歡 。 這 酒 Decanting 的 時 間 ， 用 大 的 紅 酒杯 20 分 鐘 已 經 可 以 ， 意 外 地 即 能 感 受 到 咖 啡 、 拖 肥 這 些 溫 柔 的 味 道 ， 慢 慢 橡 木 味也 出 現 。 亦 由 於 較 酸 ， 幾 能 增 加 食 慾 ， 但 收 尾 短 促 ， 比 一 般 澳 洲 酒 長 一 點 。 「 很 難想 像 紅 酒 中 有 拖 肥 味 出 現 ， 說 笑 吧 ？ 」
最 後 一 支 是 白 酒 Dog Point Suvignon Blanc 2007 ， 新 西 蘭 中 Dog Point 和 Cloudy Bay 都 是 著 名 的 白 酒 。 「 我 也 想 過 跟她 到 西 貢 吃 海 鮮 。 」 一 般 白 酒 清 香 得 來 很 淡 ， 味 也 快 消 失 。 這 支 Dog Point 味 道 保持 稍 長 一 點 ， 青 草 味 、 熱 帶 果 味 和 石 榴 味 很 突 出 ， 酒 本 身 酸 度 高 ， 但 配 合 起 來 帶 清爽 感 ， 表 現 平 衡 。 「 那 女 子 頭 髮 長 長 ， 不 屬 簡 單 直 接 的 清 爽 類 型 ， 這 酒 真 的 留 在 吃海 鮮 時 用 好 了 。 」 B 仁 至 義 盡 ， 最 後 A 揀 了 那 支 不 得 而 知 。 哈 ， 但 揀 女 友 ， 還 是 揀一 個 思 想 單 純 、 蠢 蠢 比 較 好 。


最 新 回 應
小 吉 吉 ︰我 份 人 較 吃 得 苦 中 苦 方 為 人 上 人 ， 所 以 喜 歡 丹 靈 重 ， 較 苦 澀 而 且 Dry 的 酒 種 ， Cabernet Sauvignon 成 份 越 多 越 好 ， I like Medoc 。

Gigi ︰幾 時 才 介 紹 布 根 地 的 好 酒 ， 感 覺 細 膩 ， 酒 香 變 化 多 。 不 如 講 講 Pinot Noir 這 葡 萄 品 種 ， 《 Sideways 》 形 象 得 好 神 。


相 關 超 連 結
http://www.chateaudangles.com/
平酒 好 介 紹 ！ Chateau D'Angle's 在 波 爾 多 Medoc 不 算 出 名 ， 但 釀 酒 師 Eric Fabre 曾 在 Chateau Lafite Rothchild 當 技 術 總 監 ， 後 回 歸 家 族 生 意 。 $168 ， city'super 有 售 。

http://hk.myblog.yahoo.com/quentinjustin/index?l=f&id=5
Kevin K Tang ， Concord 老 闆 ， 著 名 酒 評 人 ， 在 香 港 公 開 大 學 、 香 港 政 府 技 能 提 升 計 劃 及 部 門 授 葡 萄 酒 課 程 ， 追 隨 Isla 和 Paul Gordon 學 習 釀 酒 。

http://www.concordwines.com.hk
協 和 洋 酒 ， 專 做 餐 酒 批 發 、 餐 酒 投 資 ， 也 有 提 供 品 酒 課 程 及 活 動 。


售 賣 點 ︰
a) Concord Wines
地 址 ︰ 上 環 干 諾 道 西 36 號 生 生 商 業 中 心 2 樓
查 詢 ︰ 2239 3522

b) Watson's Wine Cellar
地 址 ︰ 中 環 ifc 三 樓 3019 舖
查 詢 ︰ 2530 5002

近 期 瀏 覽 ： 世 界 廣 告 今 期 流 行

你 偷 橋 ？ 非 也 ， 純 粹 值 得 分 享 ， 做 人 要 放 眼 大 世 界 。 這 是 一 個 包 含 世 界 各 地 廣 告 的 網 站 ， 除 了 每 日 更 新 有 最 佳 廣 告 推 介 外 ， 也 有 一 星 期 的 Top Five ， 每 個 也 會 列 出 所 屬 品 牌 和 廣 告 公 司 名 字 。 在 Subscribe 之 後 ， 每 星 期 也 有 新 廣 告 email 給 你 看 ， 慢 慢 ， 你 會 發 現 在 香 港 這 地 方 做 廣 告 人 ， 異 常 慘 情 。

網 址 ： http://www.adforum.com

本 地 聽 Live Jazz 這 一 晚 有 點 藍

每人 的 Good Old Days 定 義 均 有 所 不 同 。 本 人 之 黃 金 旋 律 主 要 有 兩 段 ， 但 不 約 而 同 地跟 音 樂 掛 帥 。 頭 段 同 90 年 代 商 台 豁 達 音 樂 天 空 扯 上 後 患 無 窮 的 關 係 ， 大 氣 電 波 差點 害 到 Anyone Can Play Guitar ； 尾 段 留 學 多 倫 多 ， 一 度 迷 上 爵 士 樂 ， 開 口 Miles Davis 埋 口 Billie Holiday ， 日 間 走 堂 蒲 唱 片 店 ， 晚 上 則 流 連 下 城 區 Live Jazz Bar 夜 夜 笙 歌 ， 人 生 多 美 好 。
相 比 多 倫 多 ， 香 港 的 Jazz Scene 越 來 越 潰 不 成 軍 。 「 唔 係 唔 好 聽 ， 而 係 唔 識 聽 ， 唔 得 閒 聽 。 」 如 是 者 本 地 爵 士 酒 吧 執 一 間 執 又 一 間 。 為 免 向 隅 ， 是 夜 決 定 身 體 力 行 連 跑 兩 場 ， 240 分 鐘 老 美 爵 士 配 風 月 奇 譚 ， 一 老 一 嫩 ， 風 情 萬 種 。


唔 好 怪 我 腌 尖 腥 悶
我這 類 人 一 絲 不 苟 ， 由 票 房 服 務 員 的 態 度 、 語 言 、 戲 院 有 無 酒 水 供 應 、 座 椅 舒 服 程 度、 走 火 通 道 的 照 明 等 ， 絲 毫 不 能 馬 虎 了 事 ， 更 何 況 是 買 少 見 少 的 現 場 爵 士 樂 。
就 是 因 為 越 見 罕 有 ， 所 以 越 有 要 求 。

1. 酒 店 ─ ─ 樂 風 也 許 偏 舊 ， 而 且 不 會 純 爵 士 ， 個 客 話 想 聽 《 Don't Cry for Me Argentina 》 ， 唔 通 你 敢 耍 手 擰 頭 ？ 說 穿 了 ， 音 樂 只 能 做 回 襯 底 的 本 份 。 老 歌 例 湯例 水 唱 來 唱 去 ， 就 是 這 些 女 人 唱 爛 了 《 The Girl From Ipanema 》 。

2. 尖 嘴 酒 吧 ─ ─ 無 Cover Charge ， 夠 Down to Earth ， 又 毋 須 妥 協 於 酒 店 的 死 硬 Dress Code ， 屬 Jazz Bar 中 的 大 牌 檔 。 不 過 你 要 抵 得 住 菲 仔 菲 佬 歡 樂 今 宵 式 麻 甩趣 味 至 好 ， 而 且 那 種 台 上 台 下 的 打 情 罵 俏 就 算 經 過 專 人 訓 練 都 唔 好 亂 試 。

3. 商 場 ─ ─ 多 謝 大 地 主 們 ， 令 含 辛 茹 苦 的 音 樂 人 有 機 會 一 展 所 長 兼 賺 學 費 同 生 活 費 ，但 大 型 商 場 無 非 借 用 音 樂 打 造 消 費 氣 氛 並 提 高 商 品 形 象 ， 最 緊 要 開 心 淨 ， 幾 千 火 的 大 燈 射 住 你 支 Sax ， 就 算 你 吹 到 曉 飛 ， This Is Just Not Jazz 。
撇 除 了 不 對 口 味 的 場 地 ， 然 後 你 會 發 覺 以 下 兩 個 選 擇 是 那 麼 的 理 所 當 然 了 。
老 地 方 有 老 牌 大 樂 團


老 地 方 有 老 牌 大 樂 團
Jazz Bars 近 年 買 少 見 少 ， 在 Jazz Club 和 Blue Door 相 繼 壽 終 正 寢 之 後 ， 人 們 掛 在 嘴邊 的 都 是 Fringe Club 的 Big Band Orchestra ， 但 其 實 於 90 年 代 進 駐 Jardine House 的 Grappa's Cellar 一 樣 辦 得 有 聲 有 色 。 當 然 ， Grappa's 稱 不 上 大 紅 大 紫， 但 卻 見 證 了 Live Jazz 文 化 比 較 豐 盛 的 Good Old Years ， 至 少 那 時 候 蘇 永 康 會唱 《 生 命 色 彩 》 ， 《 壹 號 皇 庭 》 會 以 一 段 色 士 風 純 音 樂 成 為 片 首 曲 ！ 而 以 現 場 演 唱場 地 計 算 ， 其 曝 光 程 度 亦 不 能 叫 低 ， 就 連 90 年 代 愛 爾 蘭 搖 滾 班 霸 The Cranberries 前 主 音 Dolores O'Riordan 早 前 作 個 人 發 展 ， 07 年 來 港 宣 傳 時 也 選址 Grappa's 以 歌 會 傳 媒 。

是 夜 駐 場 樂 團 叫 The Stray Katz Big Band ， 十 多 人 樂 團 在 香 港 很 少 見 ， 更 難 得 玩 得 非 常 有 氣 氛 。 一 首 《 Summertime 》 之 後 ， 接 《 It Had To Be You 》 ， 再 來 《 New York, New York 》 ， 氣 氛 熱 到 不 得 了 ， 就 連平 時 無 幫 襯 開 Jazz Bar 的 男 女 都 Loose 起 來 （ 這 些 人 是 非 常 有 樣 睇 的 ） ， 擠 到 舞池 手 舞 足 蹈 。 日 子 有 功 ， Stray Katz 三 年 來 已 在 Grappa's 默 默 地 聚 集 到 一 定 數 目的 爵 士 信 徒 ， 可 喜 可 賀 。

Stray Katz 成 立 於 1991 年 ， 是 本 地 爵 士 演 唱圈 中 較 罕 見 的 老 牌 爵 士 大 樂 團 。 18 名 團 員 ， 英 美 加 澳 日 甚 至 菲 律 賓 樣 樣 齊 ， 當 然亦 有 本 地 音 樂 人 ， 最 近 王 敏 德 的 爵 士 唱 片 《 Cool Rhythm 》 內 便 可 找 到 其 成 員 名 字。 大 部 份 團 員 並 非 全 職 專 業 樂 手 ， 雖 然 日 間 各 有 正 職 在 身 ， 但 仍 維 持 每 周 練 習 一 次。 樂 團 現 逢 每 月 第 一 個 星 期 六 到 Grappa's 演 出 ， 更 免 收 入 場 費 。 表 演 共 二 節 ， 每節 長 一 小 時 ， 中 間 有 約 休 息 15 分 鐘 。

Grappa's Cellar （ 2521 2322 ）
中 環 康 樂 大 廈 1 號 怡 和 大 廈
官 方 網 站 ： http://www.straykatzbigband.com/

Subtle 到 爆 的 爵 士 暗 場
心 頭 好 ， 當 然 要 壓 軸 出 場 。
The Melting Pot 老 闆 之 一 Tina Meyden ， 在 上 海 開 設 了 三 間 有 現 場 音 樂 演 奏 的 餐 廳 酒吧 ， 生 意 不 錯 ， 於 是 認 為 在 中 環 蘇 豪 區 一 樣 有 市 場 ， 此 店 去 年 12 月 開 業 ， 由 裝 修以 至 運 作 模 式 都 跟 上 海 的 例 子 照 辦 煮 碗 。 成 功 嗎 ？ 暫 時 言 之 尚 早 ， 雖 與 人 氣 鼎 盛 的 Grappa's 形 成 強 烈 對 比 ， 但 也 許 並 非 壞 事 。 簡 約 靜 態 的 裝 潢 走 對 了 路 ， 喜 歡 較 冷較 低 調 的 人 士 自 然 對 號 入 座 ； 靠 口 碑 可 能 有 違 香 港 人 的 快 熟 生 意 經 ， 不 過 一 個 會 玩自 己 作 品 的 爵 士 樂 團 ， 已 經 是 一 個 不 俗 的 賣 點 。
「 上 海 太 像 紐 約 了 ， 香 港 反 而 更 加 Peaceful 。 」

在美 國 紐 約 長 大 的 Zane ， 自 幼 與 爵 士 音 樂 結 下 不 解 之 緣 ， 皆 因 爸 爸 Calvin Massey 為 上 世 紀 著 名 爵 士 作 曲 人 ， 曾 與 Billie Holiday 及 Charlie Parker 等 傳 奇 爵 士 巨匠 合 作 過 ， 自 然 也 得 到 爸 爸 的 爵 士 基 因 遺 傳 。 Zane 曾 於 歐 洲 多 國 旅 居 演 出 ， 在 爵士 圈 子 活 躍 超 過 35 年 ， 直 至 近 年 有 機 會 在 上 海 為 某 大 型 夜 店 開 幕 表 演 ， 其 間 認 識了 The Melting Pot 的 合 資 人 Tina Meyden ， 因 為 後 者 非 常 欣 賞 Zane 的 演 奏 風 格以 及 作 曲 天 賦 ， 於 是 把 他 請 到 香 港 來 當 The Melting Pot 的 音 樂 總 監 。

我 問 Zane ， 到 底 喜 歡 上 海 還 是 這 的 Jazz Scene ？ 出 乎 意 外 之 外 ， Zane 說 自 己 非 常 喜 歡 香 港 的 Audience ， 「 因 為他 們 都 是 喜 歡 爵 士 樂 才 會 來 ， 而 且 非 常 友 善 。 現 在 上 海 的 Scene 太 像 紐 約 了 ， 香 港反 而 更 加 Peaceful 。 老 實 說 ， 一 切 還 是 在 起 步 而 已 ， 對 香 港 人 來 說 ， 到 酒 吧 聽 現場 爵 士 樂 是 非 常 新 鮮 的 事 ， 我 在 香 港 看 到 很 好 的 發 展 前 景 。 」

The Melting Pot （ 2559 2777 ）
中 環 伊 利 近 街 1-5 號 舖
http://www.themelting-pot.com


最 新 回 應
ngpo ： 呢 門 生 意 要 守 。 有 咁 耐 得 咁 耐 ， 盡 量 撐 住 ， pls ！

死 仔 ： 係 呀 ， 《 壹 號 皇 庭 》 入 面 又 返 晒 ！ 好 懷 念 那 些 日 子 … … 星 期 六 有 新 竇 蒲 了 ！


相 關 超 連 結
http://www.hkfringe.com.hk/index.html
Hong Kong Fringe Club
前 身 為 凍 倉 的 Fringe Club 總 壇 ， 83 年 始 成 為 會 址 。 爵 士 大 樂 隊 不 定 期 於 星 期 六 晚 上 演 。

http://www.backstagelive.hk
Backstage 由 金 培 達 、 馮 穎 琪 、 徐 繼 宗 等 人 加 上 其 他 Green Coffee 兄 弟 姊 妹 開 設 的 音 樂 餐 廳 ， 極 合 中 產 人 士 脾 胃 。 逢 星 期 四 晚 有 Jazz Nights 。

http://blog.sina.com.tw/709/article.php?pbgid=709&entryid=576154
台 灣 著 名 爵 士 樂 樂 評 人 蘇 重 的 新 浪 部 落 「 不 一 樣 的 耳 朵 」 。

廣 告 迷 Blog 之 唔 好 亂 摘 草 莓

香 港 廣 告 慣 性 推 個 明 星 出 講 兩 句 ， 就 以 為 產 品 會 大 賣 。 其 實 要 令 人 印 象 深 刻 ， 一 個 夠 大 膽 、 有 創 意 的 廣 告 就 已 經 可 以 慳 番 唔 少 。 來 自 羅 馬 尼 亞 的 版 主 Alexandru ， 經 常 於 blog 內 Post 一 些 最 新 的 世 界 各 地 廣 告 ， 一 個 最 新 Update 的 廣 告 係 關 於 草 莓 汁 。 我 睇 完 即 刻 唔 敢 亂 摘 草 莓 之 餘 ， 亦 已 經 足 以 令 我 記 得 呢 隻 草 莓 汁 叫 Jokk 。 雖 然 唔 覺 眼 香 港 有 呢 個 牌 子 ， 但 下 次 有 機 會 相 見 ， 必 定 買 試 一 試 。

http://canofthought.blogspot.com

四 眼 妹 愛 舊 鏡

細 細 個 冇 近 視 時 會 羨 慕 人 戴 眼 鏡 ， 到 真 係 要 自 己 日 日 戴 住 ， 就 開 始 後 悔 。 反 正 已 經 冇 得 選 擇 ， 我 呢 個 四 眼 妹 惟 有 戴 得 靚 型 唔 同 。 近 年 新 鏡 技 術 頂 呱 呱 ， 但 有 朋 友 就 開 始 儲 Deadstock 舊 鏡 ， 係 ， 我 又 唔 係 齊 人 ， 講 乜 左 右 逢 源 。 頭 就 得 一 個 ， 無 謂 學 損 友 買 買 買 ， 買 咁 多 限 量 版 都 係 求 限 量 罕 有 ， 戴 優 質 Deadstock 滿 足 晒 我 需 求 。Martin （ 鏡 齡 ： 3 年 ）

AOC 啡 色 膠 框 眼 鏡

Wilson （ 鏡 齡 ： 60 年 ）
AOC 自 砌 組 件 眼 鏡

WD40 （ 鏡 齡 ： 10 年 ）
Gianfranco Ferre 黑 色 膠 框 眼 鏡

跟 日 本 仔 追 舊 鏡
我 11 歲 開 始 ， 就 加 入 了 四 眼 一 族 。
人 大 了 ， 開 始 講 究 ， 買 眼 鏡 學 人 睇 牌 子 、 款 式 。 所 謂 名 牌 ， 不 外 乎 Ray Ban 、 Cutler & Gross 等 ， 睇 得 多 都 悶， 後 來 迷 上 Deadstocks ， 講 真 ， 剛 接 觸 的 確 係 要 潮 又 貪 平 的 藉 口 。
某 日 於 中環 亂 衝 亂 撞 ， 被 一 間 眼 鏡 小 店 所 吸 引 ， 店 內 都 係 Deadstock 舊 鏡 。 我 跟 80 高 齡 伯伯 大 談 60 年 的 眼 鏡 情 時 ， 猶 如 在 榕 樹 頭 下 聽 古 仔 ， 開 始 感 到 每 副 舊 鏡 背 後 的 故 事。
佢 話 咪 叫 伯 伯 ， 叫 佢 Wilson 。 Wilson 話 ， 個 故 事 係 由 1944 年 開 始 的 … …
「 當 年 開 舖 時 ， 全 香 港 只 得 17 間 舖 賣 眼 鏡 。 舊 時 香 港 眼 鏡 業 好 風 光 ， 好 多 鬼 佬 會 專 登 香 港 買 眼 鏡 ， 特 別 多 美 國 水 兵 ， 佢 鍾 意 ASIA OPTICAL ， 因 為 香 港 出 口 的 眼 鏡 出 名 質 素 好 。 就 算 返 到 美 國 ， 佢 都 會 Mail Order 幫 襯 我 。 鬼 咩 ！ 以 前 美 國 佬 做 副 眼 鏡 要 20 日 至 2 個 月 ， 我 就 3 日 起 貨 。 」 近 年 已經 無 心 戀 戰 的 Wilson 伯 ， 猛 話 自 己 近 年 其 實 賣 垃 圾 ： 「 都 唔 明 後 生 仔 買 咁 多 垃 圾返 去 做 乜 ？ 佢 跟 日 本 仔 之 嘛 ， 十 幾 年 前 已 經 有 個 日 本 仔 我 舖 頭 掃 貨 ， 一 次 過 買 1,600 副 眼 鏡 。 我 幾 十 蚊 副 賣 畀 佢 ， 佢 ¥ 30,000 一 副 放 上 野 公 園 擺 地 攤 。 」
我 都 話 香 港 跟 住 日 本 人 走 ， 不 過 慢 了 10 年 。


死 貨 變 古 董
Deadstocks 俾 識 貨 之 人 掃 得 就 掃 ， 想 平 價 入 手 已 非 易 事 。 眼 鏡 迷 開 始 不 惜 工 本 ， 好 似 Martin 咁 ， 直 情 收 購 全 間 ASIA OPTICAL 舊 舖 ， 配 上 「 合 理 價 」 發 售 。 往 日 的 一 百 幾 十 ，今 日 賣 $1,000-$3,000 ， 某 些 罕 有 款 甚 至 無 標 價 ， 須 面 議 。
Martin ： 「 唔 同 年 代 都 有 代 表 性 眼 鏡 ， 都 好 有 歷 史 價 值 。 而 且 70 年 代 前 ， 眼 鏡 都 係 大 班 紳 士 戴 ， 所 以 係 上 等 人 產 品 。 80 、 90 年 代 轉 型 為 Mass Production ， 眼 鏡 先 變 平 價 貨 。 」
Wilson 伯 話 ： 「 4 、 50 年 代 最 出 名 眼 鏡 都 係 眼 鏡 廠 ， 好 似 美 國 American Optical Company （ AO ） 同 德 國 N & G 。 冇 咩 名 牌 ！ 後 期 牌 子 賣 開 化 妝 品 賣 開 衫 ， 走 去 出 眼 鏡 。 最 多 人 買 係 Dior ， 賣 成 $700 副 ， 貴 到 死 ！ 都 唔 明 有 咩 咁 巴 閉 ！ 」


新 牌 鬥 技 術 鬥 到 難 分 難 解
聽 完 伯 伯 數 邊 個 明 星 上 去 買 、 邊 套 戲 有 佢 賣 的 眼 鏡 … … 我 開 始 沾 上 舊 眼 鏡 的 一 份 情 。 慘 喇 ！ 我 開 始 有 點 兒 想 捨 新 懷 舊 。
儲 了 10 年 眼 鏡 的 WD40 話 新 舊 都 儲 ： 「 家 眼 鏡 設 計 差 不 多 玩 到 盡 ， 鬥 技 術 、 用 料 鬥 新 鮮 。 咩 長 毛 象 牙 、 木 、 四 方 竹 都 陸 續出 現 。 」 日 本 同 歐 洲 對 眼 鏡 研 發 鬥 到 你 死 我 活 ， 但 越 高 難 度 的 創 作 ， 我 付 出 的 代 價 就 越 大 ， 整 整 下 副 副 起 碼 幾 千 蚊 先 有 交 易 。 諗 深 一 層 ， 都 係 念 舊 情 儲 舊 鏡 計 落 有 數 好 多 。

查 詢 ： AOC （ 2815 5799 ）
中 環 鴨 巴 甸 街 11B 地 舖 （ 近 九 如 坊 ）


最 新 回 應
Debbie ： 睇 番 舊 戲 ， 會 見 到 60 、 70 年 代 舊 眼 鏡 ， 種 味 道 係 新 款 眼 鏡 代 替 唔 到 。 之 前 一 直 唔 知 邊 度 有 得 賣 ， 行 過 幾 間 舊 舖 ， 我 都 以 為 已 經 冇 晒 呢 Deadstock 。 原 來 仲 有 咁 多 ！

Ben ： 我 有 副 古 董 Ray Ban 太 陽 眼 鏡 ， 係 我 媽 咪 留 畀 我 ， 起 碼 有 30 年 歷 史 。 我 會 好 好 保 存 ， 因 為 覺 得 好 有 紀 念 價 值 。 但 我 就 未 必 會 買 出 面 古 董 鏡 ， 紀 念 價 值 冇 咁 大 。

Steve ： 我 儲 開 80 年 代 太 陽 眼 鏡 ， 細 個 開 始 買 一 副 儲 一 副 。 以 前 買 都 係 幾 百 蚊 副 左 右 ， 家 要 過 千 蚊 副 都 幾 搶 錢 ， 我 都 要 慢 慢 儲 到 我 眼 鏡 變 古 董 先 ！

在 黑 膠 海 中 懷 念 開 心 果

從不 懷 疑 外 甥 似 舅 ， 今 日 我 迷 上 癮 的 ， 多 從 舅 父 身 上 感 染 過 來 ； 聽 黑 膠 是 其 一 ， 可 惜未 至 青 出 於 藍 。 他 並 非 被 人 一 篤 喇 叭 就 「 唔 見 幾 皮 」 的 極 度 狂 熱 者 ， 但 80 年 代 不吃 飯 為 買 譚 校 長 唱 片 他 一 定 試 過 。 後 天 他 生 日 了 ， 我 問 想 要 甚 麼 ， 他 答 想 要 肥 肥 的白 版 碟 。 他 這 突 如 其 來 的 口 味 ， 容 易 理 解 ， 於 是 到 了 鴨 記 找 阿 Paul 。

舅 父 放 毒 氣
望 舅 父 慢 慢 將 學 友 的 《 真 情 流 露 》 放 在 他 那 黃 色 英 國 Rega P3 唱 盤 上 ， 動 作 熟 練 ， 只 是 他 的 器 材 新 了 、 魚 尾 紋 多 了 、 環 境 再 不 是 惜 日 的 黃 竹 坑 。 我 10 歲 左 右 他 已 不 停 放 毒 ， 當 他 將 《 Macross 可 還 記 得 愛 》 和 《 Mega Zone 23 越 過 悲 傷 的 背 後 》 送 給 我 作 生 日 禮 物 時 ， 也 是 我 對 黑 膠 正 式 生 好 感 的 開 始 。 買 日 本動 畫 黑 膠 是 他 興 趣 之 一 ， 特 別 是 當 年 破 格 的 《 Mega Zone 23 》 ， 舅 父 很 壞 ， 給 小學 的 我 看 那 充 滿 裸 露 和 性 愛 鏡 頭 的 錄 影 帶 。 而 因 為 他 的 壞 ， 讓 我 比 同 期 小 學 生 早 知道 《 愛 情 陷 阱 》 有 日 語 版 ， 正 是 若 芙 所 唱 的 《 越 過 悲 傷 的 背 後 》 。
還 以 為 阿 Paul 沒 有 聽 我 說 故 事 ， 但 他 搭 嘴 ︰ 「 這 兩 套 動 畫 很 多 人 都 有 情 意 結 ！ 我 也 賣 過 不少 黑 膠 。 」 他 聽 了 40 年 黑 膠 ， 收 藏 量 在 香 港 數 一 數 二 ， 80 年 代 流 行 過 甚 麼 考 他 不到 。 「 別 人 笑 我 是 垃 圾 佬 ？ 哈 ， 現 在 卻 又 興 起 黑 膠 。 」 這 時 一 張 又 一 張 沈 殿 霞 放 在眼 前 ， 情 侶 合 唱 團 、 四 朵 金 花 ， 當 然 也 有 — — 和 欣 宜 合 唱 的 白 版 碟 。




人 死 碟 再 生
「人 死 ， 大 家 才 珍 惜 。 」 忽 然 一 窩 蜂 找 某 某 的 黑 膠 ， 阿 Paul 見 過 太 多 ， 「 碟 本 來 在倉 底 睡 了 十 幾 二 十 年 ， 當 年 那 會 有 人 買 ？ 肥 肥 的 唱 片 估 計 當 年 只 造 了 一 千 幾 百 隻 。」 他 還 說 兩 年 前 肥 肥 入 院 開 始 ， 亦 因 樂 評 人 讚 過 ， 已 有 不 少 人 買 她 和 譚 炳 文 合 唱 的風 行 出 品 。 我 深 信 阿 Paul 沒 有 上 網 的 習 慣 ， 因 為 他 沒 有 喊 出 天 價 。 未 來 鴨 記 時 ，我 在 拍 賣 網 上 看 到 《 I Love You 》 白 版 標 價 $7,800 ， 其 他 也 要 $3,000 。
白版 碟 是 舊 時 派 給 電 台 DJ 播 放 用 的 黑 膠 ， 大 多 一 隻 碟 一 首 歌 ， 產 量 只 有 百 多 隻 。 87 年 欣 宜 出 世 ， 《 一 於 繼 續 笑 》 等 的 白 版 是 在 91 年 出 現 ； 到 出 了 數 隻 白 版 後 ， 她 那共 十 首 歌 、 部 份 更 和 欣 宜 合 唱 的 大 碟 才 出 現 。 「 肥 肥 和 羅 文 的 情 侶 合 唱 團 《 No.1 》 國 語 碟 更 珍 貴 ！ 那 些 彩 色 字 很 有 嬉 皮 感 ， 那 時 流 行 嬉 皮 ， 而 且 是 超 群 出 品 ， 四 聲道 非 常 靚 聲 ！ 」 聽 舅 父 說 過 ， 72 、 73 年 吹 台 灣 風 ， 那 時 歌 手 想 開 飯 就 要 唱 國 語 ，難 怪 阿 Paul 也 說 ︰ 「 徐 小 鳳 也 要 唱 國 語 歌 ！ 」



黑 膠 新 不 如 舊
當遇 上 一 個 黑 膠 唱 片 癡 時 ， 估 計 到 他 會 滔 滔 不 絕 說 下 去 ， 證 明 Paul 收 藏 得 像 個 行 為藝 術 家 。 「 4 月 又 到 哥 哥 死 忌 ， 又 有 人 找 碟 聽 。 」 哥 哥 的 黑 膠 ， 我 也 有 《 Stand Up 》 ， 但 阿 Paul 說 84 年 封 面 是 潛 水 那 隻 更 值 收 藏 。 一 位 揀 碟 中 的 男 士 插 嘴 ︰ 「對 啊 ！ 那 碟 一 出 他 即 紅 ， 黎 小 田 讚 到 飛 起 又 賺 到 飛 起 。 」 和 阿 Paul 你 一 言 我 一 語， 遇 知 音 份 外 投 契 。 兩 人 望 見 Twins 所 出 的 黑 膠 ， 慨 嘆 新 不 如 舊 。
「 如 陳 奕迅 的 《 Listen To Eason Chan 》 ， 歌 手 很 有 誠 意 ， 但 唱 片 公 司 沒 有 誠 意 ， 不 少 朋友 買 了 一 隻 曲 的 黑 膠 ， 現 在 還 賣 不 去 。 」 其 實 楊 千 嬅 、 張 信 哲 也 出 過 黑 膠 ， 以 珍 藏作 旗 號 ， 唱 片 公 司 賣 甚 麼 藥 ， 對 一 班 「 講 求 耳 仔 收 貨 」 的 「 大 人 」 豈 會 不 知 。 像 86 年 西 德 製 劉 美 君 的 黑 膠 ， 評 為 極 品 ， 05 年 用 回 舊 Master 推 出 的 XRCD ， 音 色 再美 黑 膠 迷 都 不 收 貨 ， 阿 Paul 說 ︰ 「 86 年 她 很 年 輕 ， 聲 音 與 今 不 同 ； 用 新 演 繹 翻 唱才 值 得 買 ， 若 然 用 舊 ， 何 不 買 回 黑 膠 ？ 」 科 技 再 新 仍 好 不 過 舊 日 的 水 準 ， 我 不 明 道理 ， 難 怪 黑 膠 熱 潮 再 起 。


鴨 記 阿 Paul
查 詢 ︰ 9841 7136
地 址 ︰ 深 水 長 沙 灣 道 239 號 惠 康 大 廈 5 樓 D 室



最 新 回 應
小 楠 ：玩 黑 膠 是 很 有 型 的 事 ， 身 邊 很 多 有 錢 朋 友 都 玩 起 黑 膠 來 。 我 還 記 得 小 時 候 家 有 黑 膠 唱 盤 ， 但 搬 屋 時 連 唱 片 也 掉 了 。

Ricky ：今 日 的 CD 怎 能 跟 黑 膠 唱 片 比 ， 用 舊 Master 翻 出 多 少 次 也 沒 有 用 的 ， 有 用 的 話 不 會 那 麼 多 人 投 資 在 黑 膠 器 材 上 。

Keo ：我 很 喜 歡 播 黑 膠 時 間 中 出 現 的 「 炒 豆 」 聲 ， 像 看 粵 語 殘 片 畫 面 有 Noise 忽 然 跳 一 跳 的 感 覺 ， 這 才 有 味 道 。


相 關 超 連 結
http://www.vinylparadise.com/
黑 膠 樂 園 是 黑 膠 迷 Lee HC 所 創 立 ， 含 大 量 由 碟 到 機 的 資 訊 ， 是 黑 膠 迷 的 小 天 地 。

http://www.sonatas.cc/
三 通 音 樂 在 旺 角 荷 里 活 商 業 中 心 有 店 ， 器 材 和 唱 片 都 有 得 賣 。

http://home.macau.ctm.net/~sailor09/main.html
溫 故 知 新 是 個 澳 門 網 站 ， 主 要 是 一 些 舊 的 粵 語 流 行 曲 和 粵 曲 的 介 紹 。

復 活 節 幾 米 大 駕 銅 鑼 灣

一本 《 向 左 走 · 向 右 走 》 ， 在 噴 水 池 旁 一 個 行 東 、 一 個 行 西 ， 淡 淡 然 看 似 虛 構 ， 但 似曾 真 實 的 情 節 ， 令 港 人 更 加 認 識 幾 米 。 不 經 不 覺 原 來 幾 米 的 創 作 已 經 達 十 年 ， 這 還未 計 算 他 未 發 前 數 不 了 的 日 子 。 很 高 興 知 道 復 活 節 期 間 ， 他 會 在 時 代 廣 場 舉 行 名 為 「 Never Ending Story 」 的 十 年 亞 洲 巡 迴 展 。 當 中 原 畫 少 不 了 ， 更 可 喜 將 會 出 現 雕 塑 ， 會有 左 右 走 的 男 女 主 角 ， 也 有 《 月 亮 忘 記 了 》 的 小 男 孩 等 。 人 家 說 ， 將 一 件 東 西 放 大一 百 倍 後 總 變 得 可 愛 ， 不 知 幾 米 筆 下 的 角 色 立 體 化 放 大 後 ， 變 得 有 多 吸 引 呢 ？

展 覽 日 期 ︰ 3 月 20 日 至 4 月 6 日
地 點 ︰ 時 代 廣 場 二 樓 大 堂