入 門 買 至 平 國 產 貨
男 友 好 畀 面 ， 每 次 帶 妾 侍 返 屋 企 ， 都 總 邀 請 我 監 場 。 就 算 十 萬 個 不 願 意 ， 都 要 投 其 所 好 以 保 正 室 之 位 。 起 初 扮 興 奮 ， 確 實 唔 明 點 解 要 用 幾 千 蚊 買 鐵 返 屋 企 摸 。 陪 足 10 年 ， 由 冇 興 趣 極 都 開 始 對 玩 具 槍 略 有 點 了 解 ， 周 不 時 仲 扮 專 家 指 身 邊 朋 友 。 早 兩 日 我 先 踩 停 Cici ， 因 為 佢 正 打 算 落 旺 角 買 支 黑 色 長 槍 M4 送 畀 男 友 Steven ， 大 概 $900 左 右 。 我 立 刻 大 叫 ： 「 咁 平 ？ M4 ， 我 男 友 都 有 3 支 ， 但 品 質較 有 保 證 的 是 香 港 出 品 ， 如 G&P 都 起 碼 要 $1,500 。 」 近 年 ， 雖 然 大 部 份 手 槍都 係 中 國 製 ， 但 一 樣 有 分 香 港 、 台 灣 同 中 國 品 牌 。 價 錢 大 概 平 一 半 左 右 的 國 產 牌 ，雖 然 同 樣 全 金 屬 槍 身 ， 但 手 工 粗 糙 ， 組 件 尺 寸 準 確 性 冇 保 障 ， 不 但 影 響 日 後 改 裝 加工 ， 更 引 致 唔 夠 密 氣 的 情 況 ， 減 低 發 射 力 度 。 支 槍 有 咩 三 長 兩 短 ， 慘 到 連 保 養 都 冇。 以 平 日 腌 尖 講 質 素 的 Steven 來 講 ， Cici 的 $900 必 定 白 白 浪 費 而 不 討 好 。 不 過， 我 男 友 Roger 就 成 日 話 ： 「 湊 熱 鬧 學 人 買 槍 玩 男 仔 大 把 ， 新 手 買 支 試 係 咪 真 係 鍾 意 玩 ， 國 產 牌 的 確 係 最 好 選 擇 。 」
軍 事 戰 場 配 件 強 化 像 真 度
見 Cici 騰 晒 雞 怕 男 友 失 望 ， 我 呢 個 半 桶 水 都 唔 敢 隨 意 盲 公 指 路 ， 帶 Cici 上 Roger 屋企 朝 拜 問 功 課 就 最 穩 陣 。 我 見 佢 平 日 都 鍾 意 上 討 論 區 答 人 問 題 ， Cici 送 上 門 ， 專家 癮 即 發 ： 「 早 10 年 ， 日 本 設 計 的 確 最 勁 ， 只 可 惜 日 本 法 例 規 定 槍 身 只 可 以 用 膠。 所 以 槍 身 重 量 同 手 感 雖 然 仿 真 度 已 經 好 高 ， 但 始 終 不 及 全 金 屬 手 感 。 台 灣 同 香 港近 年 抄 足 日 本 槍 發 射 組 件 ， 但 用 金 屬 做 槍 身 ， 質 素 一 都 唔 差 ， 價 錢 又 平 一 半 ， 搞 到 大 把 日 本 仔 組 團 香 港 買 。 」
Cici 見 到 Roger 一 大 堆 的 妾 侍 ， 長 長 短 短 加 埋 20 支 ， 忍 唔 住 大 叫 ： 「 呢 度 加 埋 幾 錢 ？點 解 你 支 M4 靚 咁 多 ？ 」 Roger 望 一 望 我 ， 靦 腆 一 笑 ： 「 嘩 ！ 唔 好 講 啦 ！ 十 萬 ？ 唔止 啦 ！ 我 支 M4 加 真 係 戰 場 用 EOTech 瞄 準 器 、 SureFire 電 筒 、 Knight 魚 骨 等 等 ， 再 連 埋 改 槍 柄 、 彈 弓 等 改 裝 ， 淨 係 呢 支 都 要 一 萬 蚊 。 好 多 槍 友 希 望 像 真 度 高 ， 都 會 加 呢 軍 事 用 配 件 落 去 。 以 往 買 同 發 射 冇 關 軍 事 配 件 好 容 易 ， 因 為 美 國 大 把 網 站 有 得 賣 。 不 過 911 之 後 ， 全 部 一 律 禁 止 出 口 ， 市 面 上 賣 緊 都 係 靠 某 幾 間 大 代 理 商 向 領 事 館 批 文 ， 所 以 價 錢 貴 好 多 。 我 知 道 有 其 他 人 會 專 登 過 泰 國 買 ， 更 有 朋 友 試 過 美 國 買 帶 返 香 港 ， 畀 海 關 搜 到 ， 當 場 碎 晒 先 畀 番 佢 。 其 實 玩 槍 ， 要 犯 法 都 無 謂 冒 險 啦 。 」
夜 視 鏡 未 捨 得 買
通常 喜 歡 槍 都 係 由 玩 War Game 而 起 ， 走 入 戰 場 ， 得 支 光 頭 槍 又 點 作 戰 呢 。 加 配 件 輔助 方 便 攻 擊 、 改 槍 增 強 力 度 （ 香 港 法 例 規 定 不 得 超 過 2 焦 耳 ） ， 再 計 埋 軍 服 、 對 講機 、 彈 夾 等 ， Cici 開 始 為 男 友 呢 個 無 底 深 潭 新 玩 意 而 感 到 焦 慮 。 Roger 踩 多 腳 ：「 我 算 買 得 少 喇 ！ 2 萬 幾 蚊 起 PVS 14 夜 視 鏡 ， 我 都 未 捨 得 買 。 有 發 燒 友 直 情 買 支 日 本 槍 返 ， 淨 係 留 番 個 膽 ， 成 支 槍 改 裝 晒 金 屬 殼 。 每 件 配 件 手 工 錢 都 要 $150 至 $500 ， 全 支 逐 Part 改 ， 價 錢 仲 誇 張 。 日 日 上 網 追 住 現 役 美 軍 用 咩 牌 子 、 有 咩 新 ， 又 即 刻 睇 玩 具 有 冇 出 。 美 軍 換 試 分 分 鐘 快 過 你 女 人 換 手 袋 呀 ！
「 不 過 想 慳 番 ， 就 可 以 落 心 機 上 網 睇 ， 外 觀 上 『 裝 裱 』 其 實 簡 單 。 夠 膽 ， 買 支 槍 返 第 一 步 就 拆 開 晒 佢 ， 要 學 改 槍 ， 第 一 步 就 係 要 識 拆 槍 。 新 手 必 定 使 好 多 枉 錢 ， 因 為 分 唔 到 邊 個 牌 子 好 ， 玩 得 耐 ， 自 然 就 識 得 分 。 開 頭 最 好 買 大 牌 玩 ， 就 最 穩 陣 。 到 你 有 經 驗 ， 又 唔 一 定 支 支 槍 都 追 牌 子 。 好 似 我 支 Dream Gun 就 係 AK 47 ， 一 直 唔 買 就 係 因 為 日 本 出 得 太 靚 。 要 似 真 AK 47 ， 一 定 要 夠 Raw ， 保 留 原 有 粗 糙 味 道 ， 所 以 國 產 貨 係 最 好 選 擇 。 」 滔 滔 不 絕 儲 槍 理 論 ， 兩 個 女 人 理 解 而 不 感 興 奮 。 我 只 會 銘 記 呢 個 不 相 伯 仲 的 燒 銀 紙 玩 意 ， 必 定 係 Shopping 掃 貨 的 強 力 藉 口 。
查 詢 ： 名 鎗 店 （ 2781 2828 ）
旺 角 廣 華 街 30 號 地 舖
最 新 回 應
Terry ： 之 前 打 War Game 都 買 過 兩 支 槍 ， 但 香 港 地 方 細 ， 約 人 打 又 煩 ， 後 來 都 冇 打 。 買 咁 多 槍 ， 真 係 燒 銀 紙 咩 。
Nelson ： 我 打 過 幾 次 War Game ， 雖 然 好 鍾 意 玩 ， 但 真 係 唔 敢 買 槍 。 怕 買 第 一 支 之 後 ， 會 跌 入 個 無 底 深 潭 ， 好 錢 。
相 關 超 連 結
http://www.civiliangunner.com/
網上 關 於 玩 具 槍 的 網 頁 多 得 恐 怖 ， 最 受 玩 具 槍 迷 歡 迎 的 有 這 個 Civilian Gunner 。 全因 內 容 十 分 齊 全 ， 包 括 所 有 槍 械 軍 服 介 紹 、 新 手 入 門 、 打 仗 手 勢 等 ， 足 夠 槍 迷 有 排進 修 。
http://www.wargameyau.net/
討 論 區 同 樣 多 的 是 ， 這 個 最 多 槍 迷 瀏 覽 的 戰 野 友 討 論 區 ， 有 不 少 專 家 會 為 你 解 答 難 題 ， 等 你 唔 使 下 下 山 長 水 遠 落 廣 華 街 問 人 咁 浪 費 時 間 。
沒有留言:
張貼留言