我 愛 瘦 奀 茄

嗜 食 如 我 ， 經 常 禍 從 口 入 ， 早 排 就 食 錯 搞 到 皮 膚 敏 感 ， 醫 生 講 一 堆 化 學 名 詞 ， 話 可 能 係 因 為 佢 引 起 ， 所 以 開 始 留 意 有 機 產 品 。 要 過 優 質 生 活 的 確 係 要 有 優 質 收 入 ， 因 為 有 機 蔬 菜都 要 比 一 般 的 貴 50% 以 上 。 望 住 手 上 一 個 普 通 番 茄 ， 另 一 個 係 健 康 的 有 機 番 茄 ， 後者 明 顯 像 我 又 瘦 又 奀 ， 命 仔 緊 要 ， 食 過 奀 茄 後 ， 我 知 道 這 才 是 我 要 追 求 的 生 活 。

超 市 有 機 展
成 日 聽 到 人 講 有 機 ， 但 點 先 算 有 機 ？ 聽 朋 友 說 今 日 起 city'super 舉 辦 「 有 機 食 品 展 」 ， 馬 上 去 睇 ， 由 大 大 棵 的 生 菜 、 到 番 茄 、 菜 苗 ， 甚 至 連 挪 威 魚 場 用 有 機 飼 料 餵 養 的 三 文 魚 ， 及 來 自 加 拿 大 的 有 機 牛 奶 （ 牛 隻 無 接 受 荷 爾 蒙 注 射 ） 都 有 賣 。 家 由 天 后 的 小 舖 頭 到 超 市 都 話 賣 有 機 產 品 ， 各 有 認 證 標 籤 ， 而 有 機 食 物 大 都 比 一 般 的 貴 幾 成 ， 點 分 真 假 ？ 請 香 港 有 機 資 源 中 心 主 席 黃 煥 忠 授 ， 他 說 ︰ 「 全 球 有 400 多 個 有 機 認 證 機 構 ， 每 個 檢 定 準 則 都 不 同 ， 目 前 無 統 一 機制 ， 但 美 國 、 澳 洲 、 新 西 蘭 等 國 家 都 有 全 國 統 一 的 認 證 機 關 ， 如 美 國 的 USDA 。 」即 係 話 ， 要 購 買 外 國 產 品 ， 認 實 幾 國 的 認 證 標 籤 就 比 較 穩 陣 。 至 於 city'super 就有 專 人 到 當 地 牧 場 、 農 田 核 實 。 重 重 關 卡 ， 可 知 有 機 食 品 展 的 產 品 比 一 般 貴 幾 成 ，不 過 食 得 安 心 ， 對 於 下 下 講 Health 的 LOHAS 來 講 ， 絕 對 值 得 ！



有 機 點 止 糞 肥 ？
家 唔 少 街 市 都 話 賣 有 機 菜 ， 部 份 仲 自 稱 用 糞 肥 ， 點 先 係 有 機 呢 ？ 授 ︰ 「 好 多 人 對 有 機 食 物 一 知 半 解 ， 其 實 有 機 除 不 用 化 肥 、 採 用 無 農 藥 、 無 添 加 的 生 產 過 程 ， 就 算 用 糞 便 都 要 經 過 堆 肥 殺 菌 才 成 為肥 料 。 」 睇 番 有 機 資 源 中 心 資 料 ， 齊 晒 以 下 四 項 先 叫 有 機 ： 1. 注 重 保 持 產 品 的 天然 成 份 2. 不 施 用 化 學 肥 料 或 化 學 農 藥 3. 不 施 用 人 工 合 成 物 料 4. 不 施 用 基 因 改 造。 有 機 蔬 菜 比 普 通 蔬 菜 貴 至 少 50% ， 營 養 價 值 係 咪 成 正 比 先 ？ 「 目 前 未 有 研 究 證 實到 有 機 食 物 營 養 價 值 較 高 ， 但 因 為 不 用 化 學 肥 料 等 栽 種 ， 對 身 體 必 定 較 為 安 全 健 康。 而 有 機 背 後 還 有 一 個 重 要 的 理 念 『 環 保 』 ， 所 以 生 產 的 過 程 ， 都 強 調 保 持 農 地 的生 態 ， 過 程 中 生 產 的 廢 物 不 能 對 環 保 造 成 損 害 。 」 咁 即 係 除 對 我 身 體 有 益 ， 對 地 球 環 境 都 有 考 慮 ， 唔 想 香 港 過 幾 年 無 冬 天 ， 就 要 開 始 有 機 生 活 啦 。


私 家 田 種 有 機 菜
如 果 只 係 話 健 康 ， 好 似 好 虛 無 ， 鬼 叫 我 天 生 饞 嘴 。 吃 過 有 機 菜 ， 我 知 自 己 好 難 回 頭 。
早前 曾 幫 襯 過 食 家 徐 蒝 （ Margaret ） 開 的 私 房 菜 館 鴛 鴦 飯 店 ， 已 發 覺 食 物 特 別 有 鮮味 ， 原 來 Margaret 係 有 機 食 品 的 支 持 者 ， 更 在 元 朗 自 設 一 塊 私 家 田 ， 自 給 自 足 供應 蔬 菜 等 食 材 到 餐 廳 。 「 有 機 蔬 菜 的 味 道 很 濃 、 很 甜 ， 不 像 一 般 蔬 果 淡 而 無 味 ， 質感 也 很 不 同 。 」 她 即 席 放 了 一 片 自 家 種 的 新 鮮 生 菜 入 口 ， 連 洗 都 無 洗 ， 因 為 無 農 藥全 天 然 ， 一 邊 看 將 未 清 洗 的 生 菜 放 入 口 ， 另 一 邊 聽 到 「 索 索 」 生 菜 聲 ， 我 放 膽 跟 佢 一 齊 食 。 然 後 再試 一 片 出 自 私 家 農 場 的 番 茄 ， 一 切 開 ， 果 然 見 到 質 感 稠 密 ， 味 道 比 一 般 番 茄 濃 烈 ，留 在 口 中 良 久 不 會 散 去 。 「 食 物 最 重 要 不 時 不 食 ， 過 份 催 谷 生 長 的 食 物 始 終 會 失 真， 其 實 我 只 是 從 味 覺 去 考 慮 ， 採 用 本 身 味 濃 的 有 機 食 物 ， 就 連 調 味 品 亦 不 用 多 放 ，鮮 味 已 自 然 散 發 出 來 。 」 由 於 是 私 房 菜 ， 加 上 採 用 有 機 蔬 菜 ， 鴛 鴦 的 收 費 不 便 宜 ， 6 人 起 套 餐 （ 7 1 湯 ） 每 人 收 $560 。

Organic Fair 2008
即 日 起 至 4 月 10 日
尖 沙 嘴 海 港 城 3 樓 city'super
查 詢 ︰ 2375 8222

鴛 鴦 飯 店
地 址 ︰ 灣 仔 船 街 18 號
查 詢 ︰ 2866 0868


最 新 回 應
AL ︰ 仲 以 為 有 機 得 個 貴 字 ， 原 來 除 對 我 身 體 ， 對 環 境 都 有 益 處 ， 咁 真 係 可 以 一 試 。


Foo ︰ 我 都 去 個 有 機 展 ， 真 係 好 多 種 類 ， 估 唔 到 連 朱 古 力 、 茶 葉 、 有 機 食 油 都 有 。


相 關 超 連 結
http://net3.hkbu.edu.hk/~hkorc/

香 港 有 機 資 源 中 心 的 官 方 網 址 ， 詳 列 有 關 有 機 食 物 的 標 籤 、 認 證 的 方 法 等 等 ， 更 有 農 市 場 推 介 。