消 費 得 起 唔 代 表 識 欣 賞
早兩 日 於 家 中 百 無 聊 賴 ， 提 不 起 勁 工 作 ， 於 是 打 電 話 搵 腳 出 街 Tea 一 Tea 。 相 約 盧 覓雪 （ Michelle ） 出 去 High Tea ， 佢 揀 地 方 。 怎 料 得 到 佢 話 ： 「 上 我 屋 企 啦 ！ 間 間酒 店 High Tea 都 變 晒 質 ， 完 全 已 經 唔 係 回 事 。 我 寧 願 去 Zoe Cake Shop 買 餅 ， 靚 茶 你 飲 ， 我 屋 企 傾 偈 仲 舒 服 。 」 其 實 我 懶 理 係 半 島 定 屋 企 ， 只 要 唔 使 通 街 逼 ， 有 個 地 方 舒 舒 服 服 嘆 茶 ， 已 經 係 High Tea 的 最 終 目 的 。
上到 Michelle 家 ， 茶 、 餅 同 音 樂 都 已 經 一 應 俱 全 。 要 跟 貴 族 式 有 氣 派 的 Afternoon Tea 相 比 ， 當 然 係 兩 碼 子 的 事 ， 但 悉 心 的 安 排 ， 配 合 午 後 的 陽 光 、 微 微 的 風 ， 加 添 了 一 份 酒 店 欠 奉 的 溫 暖 。 Michelle 不 願 妥 協 的 理 由 我 可 以 理 解 ： 「 與 其 用 $200 嘆 個 變 質 Afternoon Tea ， 所 得 與 付 出 不 相 稱 ， 我 唔 好 用 錢 買 我 鍾 意 Cake 食 ？ Afternoon Tea 係 當 年 貴 族 社 交 文 化 活 動 ， 根 本 就 唔 可 以 平 民 化 ， 更 唔 應 該 普 及 。 」 以 前 阿 爸 阿 媽 年 代 就 話 唔 捨 得 使 ， 唔 敢 亂 入 大 酒 店 ， 家 個 個 都 講 生 活 質 素 ， 好 難 唔 普 及 。 Michelle 繼 續 一 肚 牢 騷 ： 「 $200 個 個 都 消 費 得 起 ， 識 欣 賞 卻 又 係 另 外 一 回 事 ， 正 如 飲 紅 酒 人 未 必 識 飲 ， 要 飲 就 要 學 識 點 欣 賞 。 唔 識 欣 賞 亦 毋 須 勉 強 ， 好 似 80 年 代 我 約 明 星做 訪 問 ， 狄 龍 同 姜 大 偉 會 揀 太 子 道 咖 啡 屋 ， 而 張 國 榮 同 陳 百 強 就 一 定 揀 文 華 酒 店 。狄 龍 唔 係 無 錢 ， 只 係 出 身 草 根 ， 佢 鍾 意 係 一 杯 街 坊 咖 啡 。 」 緣 起 邊 度 飲 茶 的 問 題 ，卻 成 為 我 倆 整 個 下 午 談 論 的 話 題 。
青 瓜 三 文 治 先 係 正 宗 我認 同 唔 係 話 無 錢 唔 畀 嘆 Afternoon Tea ， 問 題 只 係 個 個 人 去 我 又 去 ， 他 們 根 本 不 明白 整 件 事 所 帶 來 的 樂 趣 ， 更 不 會 學 習 如 何 投 入 。 道 理 好 似 打 麻 雀 用 自 動 洗 牌 機 咁 ，根 本 就 會 失 晒 打 牌 的 樂 趣 。 平 日 講 大 大 聲 的 Michelle 都 識 得 去 酒 店 壓 低 聲 線 ： 「 至 弊 隔 籬 表 叔 嘈 嘈 閉 ， 覺 得 有 錢 大 晒 呢 ！ Afternoon Tea 文 化 最 緊 要 講 格 調 、 夾 人 腳 ， 以 前 同 吳 君 如 、 章 小 蕙 去 文 華 High Tea ， 見 到 係 任 姐 仙 姐 、 鍾 楚 紅 同 陳 方 安 生 。 雖 然 我 當 年 仲 係 娛 記 ， 但 大 家 會 識 得 保 持 距 離 ， 唔 會 偷 影 、 唔 會 八 卦 。 同 班 姊 妹 睇 靚 人 ， 感 受 幽 靜 環 境 ， 享 受 一 個 完 全 忘 掉 工 作 午 茶 。 」 說 得 對 ！ 入 鄉 不 能 隨 俗 係 中 國 人 的 醜 習 。 Michelle 覺 得 要 投 入 就 先 要 了 解 Afternoon Tea 的 文 化 ： 「 唔 使 話 要 有 貴 族 禮 儀 ， 但 都 要 得 斯 文 得 體 。 Fingersize 咁 大 食 物 ， 用 架 分 開 3 層 ， 都 係 想 你 慢 慢 品 嚐 。 有 人 見 到 青 瓜 三 文 治 就 嫌 Cheap ， 但 青 瓜 係 英 國 最 普 遍 小 食 ， 所 以 有 青 瓜 三 文 治 先 係 最 正 宗 Afternoon Tea 。 」 講 起 三 文 治 ， 另 一 必 提 的 食 物 當 然 係 文 華 的 Rose Petal Jam ， Scone 食 令 人 一 試 難 忘 ， Michelle 更 有 樽 在 家 以 表 支 持 ， 隨 時 出 食 以 解 心 癮 。
唔 應 該 出 名 的 半 島
我 要 求 低 ， 心 目 中 幾 間 龍 頭 大 酒 店 都 感 覺 不 俗 。 何 況 Michelle 都 認 為 佢 咁 多 年 ， 食 物 都 能 保 持 水 準 ， 區 區 幾 人 客 就 動 搖 嘆 Afternoon Tea 的 動 力 ？ 「 食 物 係 其 次 ， 格 調 先 係 最 重 要 ， 人 客 、 燈 光 、 餐 具 、 裝 修 同 音 樂 都 會 影 響 整 個 環 境 格 調 。 格 調 無 分 高 低 ， 我 唔 理 佢 主 題 係 Modern 定 古 典 ， 總 之 就 要 有 格 調 ， 要 令 人 感 覺 有 氣 氛 。 」 間 間 都 唔 心 水 ？ 心 目 中 一 間 Perfect 的 酒 店 都 無 ？ 「 文 華 未 裝 修 前 係 我 最 鍾 意 ， 但 家 梳 化 窄 、 張 凳 高 ， 似 開 會 多 過 似 Tea ， 佢 張 Coffee Table 改 番 矮 就 好 ； Ritz-Carlton 入 面 間 Chater Lounge 本 來 都 好 好 ， 但 又 執 埋 ； 間 間 餐 廳 仔扮 Afternoon Tea 就 無 謂 講 ， 其 他 幾 間 大 酒 店 都 欠 格 調 ； 唯 獨 半 島 保 持 一 貫 水 準 ，樓 底 夠 高 環 境 最 好 ， 但 諗 到 要 同 日 本 仔 、 自 由 行 排 隊 等 位 ， 就 失 真 啦 。 」 好 矛 盾 ，真 係 好 矛 盾 ！ 明 明 係 最 好 ， 應 該 值 得 推 介 ， 但 又 唔 能 夠 出 名 晒 大 熱 。 唔 知 半 島 有 無打 算 擴 充 ， 諗 諗 計 整 多 個 一 模 一 樣 的 大 堂 出 來 呢 ？
查 詢 ：
半 島 酒 店 （ http://hongkong.hk.peninsula.com ）
東 方 文 華 酒 店 （ http://www.mandarinoriental.com/hongkong ）
Zoe Cake Shop （ 2892 1166 ）
最 新 回 應
Eugene ： 「 一 路 聽 人 講 半 島 High Tea 好 正 ， 我 都 想 試 好 耐 ， 可 惜 一 路 都 無 時 間 。 不 過 ， 200 幾 蚊 原 來 得 幾 件 三 文 治 仔 ， 又 好 似 唔 係 幾 化 算 。 」
Janice ： 「 我 去 過 Four Seasons High Tea ， 大 概 $250 一 個 人 左 右 。 雖 然 食 物 就 一 般 ，但 環 境 幾 清 幽 ， 有 人 現 場 彈 琴 伴 奏 ， 同 朋 友 傾 偈 都 幾 舒 服 ， 好 過 去 半 島 排 隊 啦 。 」
Catherine ： 「 家 個 個 都 有 錢 ， 好 難 唔 畀 Afternoon Tea 大 熱 喎 ！ 不 過 好 彩 家 好 多 地 方 都 有 得 食 ， 我 去 過 ifc 食 都 唔 錯 。 」
相 關 超 連 結
http://coffeetea.about.com
這個 網 址 有 齊 辨 清 何 為 High Tea 及 Afternoon Tea 的 相 關 歷 史 ， 更 有 大 量 關 於 茶 的詳 盡 資 料 。 不 同 品 牌 、 不 同 選 購 地 方 、 不 同 混 茶 的 做 法 等 都 清 楚 列 明 ， 包 羅 萬 有 ，係 一 個 茶 癡 的 好 去 處 。
http://www.viewlondon.co.uk/restaurants/restaurants-for-afternoon-tea-in-london-recommended-london-106.html
想嘆 終 極 正 宗 Afternoon Tea ， 當 然 要 跑 去 倫 敦 一 趟 。 這 個 網 址 推 介 多 間 英 國 倫 敦 的 Afternoon Tea 好 去 處 ， 地 址 、 環 境 等 資 料 都 十 分 詳 盡 ， 大 家 可 跟 網 址 一 試 。
沒有留言:
張貼留言